• الجزء الاول ازالة الجير Scaling الجير دة بيتكون نتيجة تراكم الكالسيوم اللى موجود فى اللعاب على الأسنان على شكل تجمعات صفراء او بنية وبتكون بيئة خصبة لنمو البكتيريا وللاسف غسيل الأسنان بالفرشة فى البيت ميقدرش يتخلص منه.
• الجزء التانى هو تلميع الأسنان Polishing ودة بنشيل بيه البقع أو تغير اللون اللى موجود على سطح الأسنان نتيجة التدخين أو شرب الشاى والقهوة بشكل مستمر.

مهم جدا ان احنا نعرف ان تنظيف الأسنان عند طبيب الأسنان اجراء مهم جدا ولازم يتعمل بشكل منتظم للمحافظة على صحة اسنانك لأنه مش مجرد اجراء تجميلى لكنه اجراء طبى هام جدا لأن الجير المتراكم بتعيش فيه البكتيريا اللى بتسبب تآكل الأسنان خصوصا مع التدخين والشاى.