جراحة لعلاج السمنة
عملية تكميم المعدة
عملية التكميم هي اجراء جراحي لمرضى السمنة المفرطة يتم فيه استئصال اكتر من ٧٠٪ من المعدة عن طريق المنظار الجراحى ويسبب نقصان ملجوظ فى وزن الجسم لأسباب فسيولوجية مختلفة بالاضافة لتقليل كمية الأكل اللى بيتستفيد منها الجسم بشكل كبير و الاحساس بالشبع بسرعة جدا.
عملية تحويل المسار المصغر
هى اجراء جراحى يتم فيه تصغير المعدة الى أنبوب ضيق وربطه بالأمعاء مباشرة دون المرور بالاثنى عشر وأول 2 متر من الأمعاء مما يساعد على تقليل امتصاص الأكل ونزول الوزن بشكل واضح بالاضافة للتأثيرات الهرمونية المهمة جدا للعملية اللى بتساعد فى علاج أمراض مزمنة زى السكر والضغط وارتفاع الكوليسترول بنسب تصل الى 95%.
بالون المعدة
البالونة اجراء يتم من خلاله وضع بالونة فى المعدة عن طريق المنظار من الفم وبيكون تأثيرها تقليل حجم الفراغ فى المعدة وبالتالى الاحساس بالشبع بسرعة وبالتالى النزول فى الوزن وبتتشال بعد 6 شهور ولكن تأثيرها بيكون مؤقت لحد البالونة ما تتشال وبعد كده المعدة بترجع لطبيعتها تانى وده اجراء ينفع للأوزان الزائدة بشكل بسيط مش للأوزان الثقيلة جدا لأن النزول فى الوزن مبيكنش كبير.
مقارنة بين الثلاث عمليات
البالون حل مؤقت لايحدث أى تغييرات هرمونية ولاكيمائية فى طبيعة الجسم على عكس عمليات السمنة زى التكميم مثلا اللى بنقص فيها حوالى 80% من المعدة وده بيقلل حجم المعدة بشكل دائم وفى نفس الوقت بيغير جزئيا فى طبيعة الجسم الكيميائية والهرمونية أما تحويل المسار فتأثيره يعنمد على تقليل كمية الأكل الممتصة وتغيير كبير جدا فى طبيعة الجسم الهرمونية عن طريق تقليل افراز الهرمونات المسببة للسمنة وتقليل امتصاص المواد الغذائية وبالتالى النزول الملحوظ فى الوزن.