fbpx
تواصل معنا

دكتور محمد عبد الحكيم الحسينى

ماجستير العلاج الطبيعى – جامعة القاهرة

متخصص فى العلاج الطبيعى والتأهيل للاصابات الرياضية

خبير فى وضع وتنفيذ برامج التأهيل لأصعب وأدق اصابات الملاعب

دكتور محمد مختار أمين

ماجستير العلاج الطبيعى – جامعة القاهرة

متخصص فى العلاج الطبيعى لحالات الظهر والرقبة وآلام المفاصل

متميز فى العلاج اليدوى ونتائجه دائما متميزة وسريعة فى اراحة المريض

خطة العلاج الطبيعي

أول أهداف العلاج الطبيعى فى حالات الظهر و الرقبة هى مركزية الأعراض (Centralization of symptoms ) بمعنى ان احنا نتخلص تماما من أى أعراض فى الأطراف زى التنميل أو ضعف العضلات لو الأعراض دى موجودة بعد كدة بنتعامل مع المشاكل اللى عندنا بداية من الألم والالتهاب المصاحب ليه عن طريق التنبيه الكهربى والموجات فوق الصوتية والليزر والمرحلة اللى بعد كدة هى أهم مرحلة فى مراحل العلاج اللى بيخلينا متميزين فى Clinique du Caire وهو العلاج اليدوى اللى بنعالج بيه الاضطرابات العصبية العضلية وتيبس الفقرات و بالتالى المريض يقدر يرجع لممارسة حياته بشكل طبيعى ..

المرحلة التالية من العلاج الطبيعى هى مرحلة تقوية العضلات وده عشان نحافظ على النتائج اللى وصلنالها لأن العضلات المحيطة بالعمود الفقرى هى الداعم الأساسى له ومادام حالتها كويسة مش هيحصل اى اصابة فى الظهر أو الرقبة ان شاء الله

اخر مرحلة فى عملية التأهيل هى مرحلة تنمية التناسق العضلى العصبى عند المريض عن طريق تدريب الجهاز العصبى على أوضاع صعبة أو معقدة وده  بيقلل احتمالية حدوث الاصابة مستقبلا حتى مع وجود الجسم فى وضع ممكن يسبب الاصابة

مهما كانت شكوتك فى منطقة الرقبة (بسيطة ومش مستاهلة) اهتم بيها ومتهملهاش لأن للأسف معظم حالات الغضروف فى الرقبة أو الظهر بتيجى من وضعية خاطئة وخلل عضلى لفترة طويلة.. ولو عندك غضروف أو خشونة فى ظهرك متستناش لأن شهر أو شهرين علاج طبيعى ممكن يوفروا عليك الجراحة وما بعدها

آلام الظهر والرقبة

الظهر و الرقبة أجزاء من العمود الفقرى اللى بيتكون من فقرات جواها الحبل الشوكى اللى بيطلع منه كل الأعصاب اللى بتغذى الذراعين (من الفقرات العنقية) والرجلين (من الفقرات القطنية و العجزية) عشان كده كتير جدا لما بنعانى من مشاكل فى الرقبة او الظهر بنحس بتنميل أو ألم فى جزء من الذراع أو الرجل وده بيكون بسبب ضغط الفقرات أو العضلات المحيطة بها على العصب اللى بيغذى المنطقة دى

طب ايه اللى الاصابة أو المشكلة اللى ممكن تحصل فى الظهر أو الرقبة: آلام الظهر والرقبة منتشرة جدا وتقريبا كلنا جربناها سواء مجرد شد عضلى أو وضع خاطئ أثناء النوم .. شغل كتير قدام كمبيوتر .. خشونة فى الفقرات أو تحرك الغضروف (الديسك) أو حتى تزحزح الفقرات نفسها ولكن فى الأغلب المرضى بيكون عندهم نفس مجموعة الأعراض والمضاعفات مع اختلاف درجتها حسب الحالة طبعا وبتتمثل فى ألم مزعج فى منطقة الرقبة (أو الظهر).. شد وضعف فى العضلات المحيطة بالعمود الفقرى.. تيبس فى الفقرات وصعوبة فى الحركة.. تنميل فى الذراعين (أو الرجلين) مع فقدان بعض الوظائف الحركية فى المراحل المتقدمة

//cliniqueducaire.com/wp-content/uploads/2018/03/back-1.jpg

العلاج اليدوي

العلاج اليدوى من أكثر العلاجات حرفية ومن أفضل الوسائل العلاجية فى Clinique du Caire وله نتائج هايلة فى علاج آلام العضلات والجهاز العظمى والظهر وصعوبة الحركة

اصابات الملاعب

اصابات الملاعب أو الاصابات الرياضية مصطلح مش معناه الاصابات اللى بتحصل للرياضين فقط ولكن الموضوع بشكل أوسع هو اى اصابة ممكن تحصل لأى حد فى أى جزء من الجهازالحركى نتيجة صدمة أو اصابة مباشرة و اتسمت بالاسم دة لأنها منتشرة جدا بين الرياضيين نظرا لطبيعة حياتهم اللى فيها النوع ده من الاصابات موجود باستمرار و منها:

– قطع الرباط الصليبى

– قطع الغضروف الهلالى للركبة

– تمزق الأربطة

– تمزق العضلات

– التهابات العضلات

– Tennis Elbow

– Impingement Syndrome

– جزع الكاحل

– تأهيل مابعد الكسور

//cliniqueducaire.com/wp-content/uploads/2018/03/sport-injuries.jpg

الاختلاف المهم فى تأهيل الاصابات الرياضية هو ان الهدف منها مش مجرد انهاء الألم أو تقوية العضلات زى الاصابات التانية ولكن اصابات الملاعب ليها برنامج تأهيلى كامل بيكون أهم واخر أهدافه هو اكتساب المهارة مرة أخرى واعادة تعليم الحركات المعقدة للمفصل .. مثال للتوضيح: لاعب الكرة اللى بيحصله قطع أو تمزق فى الرباط الصليبى وبيعمل العملية بيكون عنده مشاكل كتير جدا أولها طبعا الألم وضعف العضلات المحيطة بالركبة بشكل كبير ولكن أهم مشكلة بالنسبة له كلاعب كرة ان المفصل (بينسى) الحركات المهارية اللى اكتسبها وأهم جزء فى برنامج التأهيل ان احنا نعيد تعليم المفصل المهارات دى مرة أخرى والمثال دة بينطبق على جميع الاصابات الرياضية مع اختلاف فترة وأسلوب برنامج التأهيل

ولأن الموضوع مش سهل ومحتاج خبرة كبيرة فى تصميم البرامج التأهيلية للنوع دة من الاصابات فاحنا فى Clinique du Caire بنضم نخبة من أفضل دكاترة العلاج الطبيعى من أصحاب العلم والخبرة الكبيرة فى مجال اصابات الملاعب

تأهيل الجلطات والشلل

. أسباب فقدان الحركة كتير و منها الجلطات أو الاصابة المباشرة فى المخ أو النخاع الشوكى أو حتى الأعصاب الطرفية

فريق العلاج الطبيعى فى Clinique du Caire

بيتبع أفضل برامج علاج طبيعى متكاملة لتأهيل اصابات الجهاز العصبى والشلل والجلطات المخية وبنقدم أرقى مستوى من الرعاية لمرضانا اللى انت بتشوفهم بنفسك بيتحسنوا يوم بعد يوم

تأهيل الجلطة مهم جدا لاستعادة الوظائف اللى الجهاز العصبى فقدها بعد الاصابة بالجلطة ودا يكون مهم جدا انه يكون فى أسرع وقت عشان النتائج تبقى أفضل جدا.

أهم نصيحة لمرضى الجهاز العصبى وذويهم ان احنا منتأخرش فى بدء العلاج الطبيعى للحصول على أفضل نتائج لأن فى اصابات الجهاز العصبى عموما لازم البدء فى التأهيل فى أسرع وقت ممكن بعد تشخيص الحالة مباشرة لاسراع تحسن الحالة

آلام الركبة

اصابات و آلام الركبة بيعانى منها تقريبا كل الناس فى كل الأعمار منها اصابات مزمنة زى الخشونة أو الناتج عن اصابة مباشرة زى الرباط الصليبى و قطع الغضروف الهلالى

المشاكل العامة المصاحبة لاصابات الركبة

الألم الشديد مع الحركة و أحيانا فى السكون و عدم القدرة على ممارسة الحياة بشكل طبيعى – تورم مصاحب لالتهاب مفصل الركبة – ضعف عام فى العضلات المحيطة بالمفصل و خشونة فى الحركة

//cliniqueducaire.com/wp-content/uploads/2018/03/Knee-pain.jpg//cliniqueducaire.com/wp-content/uploads/2018/03/Knee-pain-2.jpg

خطة العلاج الطبيعى

فى

Clinique du Caire

منظمة جدا وواضحة الأهداف و دة اللى بيحققلنا الحمد لله أفضل نتائج.. أول مهمة لدكتور العلاج الطبيعى هى التخلص من الألم عشان نقدر نحل باقى المشاكل وده بنعمله عن طريق الوسائل العلاجية المختلفة زى العلاج بالتبريد والتنبيه الكهربى وفى نفس الوقت بنبدأ نتخلص من التورم والالتهاب عن طريق الموجات فوق الصوتية والليزر. بنبدأ بعد كدة بنعتمد بشكل كبير جدا على العلاج اليدوى زى الاطالات للعضلات والأربطة وبرنامج التمارين التأهيلية اللى هدفها هى العودة لممارسة الحياة بشكل طبيعى جدا بدون ألم واسترجاع قوة العضلات الطبيعية وفى حالات الرياضيين استعادة المهارات الخاصة الدقيقة فى المفصل وده بيكون أهم واخر مرحلة فى تأهيل الاصابات الرياضية

آلام المفاصل

آلام المفاصل بشكل عام والكتف بشكل خاص مزعجة جدا ومنتشرة عند كبار السن وخاصة مرضى السكر وعلى المدى الطويل بتسبب تيبس المفصل و ممكن حتى خلع لمفصل الكتف نفسه نتيجة ضعف الأربطة والعضلات

احجز موعد الآن

البيانات الشخصية
* الاسم بالكامل
* البريد الأليكتروني
* الموبايل
* الدولة / المدينة محل الاقامة
* الطريقة المفضلة للتواصل
الموبايلواتس آبالبريدالأليكتروني
ما هى الاستفسارات التى لديك؟
امكانية السفر الى القاهرة لعمل العملية
نعملا
الفترة المتوقع خلالها البدء فى الاجراء الطبى
أسبوعينشهر واحد3 أشهر
هل يوجد صور للحالة أو لاشاعات؟

document.addEventListener( ‘wpcf7mailsent’, function( event ) {
location = ‘http://www.cliniqueducaire.com/thank-you/’;
}, false );